طورطة الموز بالصور

[img]https://2img.net/r/ihimizer/img410/6292/18112009474.jpg[/img][img]https://2img.net/r/ihimizer/img222/5420/307676251.gif[/img]هاد الطورطة زوينة و خفيفة

المقادير12 ملعقة كبيرة عصير برتقال
12 ملعقة كبيرة زيت
قبصة ملح
6 معالق كبار سنيدة
2 بيضات
1 خمارة
1 فاني
9 معالق كبار دقيق

التزيين

موز مقطع دوائر

مقادير لاكريم

كاس كبير عصير برتقال (ربع لتر )
3 معالق كبار سنيدة
2 معالق كبار مايزينا

والطريقة

كنديرو العصير مع الزيت و سنيدة وقبصة الملح و الفاني و البيض في الخلاط الكهربائي
و نخلطو مزيان ثم نزيدو الدقيق و الخمارة و نخلطو بالملعقة او الضراب
ثم نصب الخليط في مول مدهون بالزبدة و مرشوش بالدقيق و ندخلوه للفرن
منين تطيب الطورطة كنخرجوها و نخليوها تبرد

تحضير لاكريم

كنديرو كاس ديال عصير البرتقال في كسرونة فوق النار مع سنيدة و المايزينا
و كنخلطو مزيان و نبقاو نحركو فوق نار مهيلة حتى يعقد الخليط
ثم كنديرو الطورطة في طبق التقديم و نسرحو فوقها لاكريم ديال الليمون
و نستفو فوقها دوائر الموز
و منين تبرد لاكريم ندخلو الطورطة للثلاجة
و نخليوها تبرد مزيان من الاحسن تبات ف الثلاجة ثم تقدم في الغذ

انا درت بعض التعديلات عوض ماندير لاكريم عاد الموز
درت العكس ستفت عليها الموز (جوج موزات دوائر )
و درت عليه الكريما من الفوق حيت خفت الموز يسود لونه و ما شي ضروري تبرد
الطورطة غير وجدت الكريما درتها عليها و خليتهم يبردو بجوج
و كذلك بالنسبة للطورطة ماتحتاجش تبات ف الثلاجة خاص غير الكريما تبرد و تشد فراسها


الطريقة بالصور
[img]https://2img.net/r/ihimizer/img101/543/17112009459.jpg[/img][img]https://2img.net/r/ihimizer/img406/155/17112009460.jpg[/img][img]https://2img.net/r/ihimizer/img81/9492/17112009462.jpg[/img][img]https://2img.net/r/ihimizer/img410/1935/17112009463.jpg[/img][img]https://2img.net/r/ihimizer/img406/9951/18112009471.jpg[/img]